BIRA

Unibertsoa

Onintza Enbeita -

2020ko urtarrilak 15
Badut lagun bat bere alabari nire antza hartzen diona. Semeari ez: semea oso berea ei du. Batak eta besteak egindako marrazkiak erakusten dizkit, adibidez. Semearenak zehaztasun handiz marraztuak izaten dira: bere adinerako ondoegi. Alabarenak kontzeptualak dira, kolore askokoak: bereziki ederrak, baina munduarentzat kaotikoak. Eta orduan amak, nire lagunak, barre egiten du: «Hau ingeniariak egin du, eta hau kosmikoak». Eta horregatik hartzen dio umeari nire antza: nik esaten diodalako unibertsoak hitz egiten digula eta entzun egin behar zaiola. Alabarengan ikusten du espaziora begiratzeko joera, baina semeak amaren moduan begiratzen dio munduari, zorrotz. Eta gure betiko eztabaida hasten dugu. Mundua mundu omen baita, eta ez guk ikusi nahi ditugun gauza horiek guztiak. Zientziak dena azaltzen omen du, eta ez omen dago zertan sinistu zientifikoak eta ziurrak ez diren gauzetan. Nik hasperen egiten dut, arnasa hartu, eta irribarrez azaltzen diot lagunari, guk, kosmikook salbatzen dugula zientzia bere kabuz azaldu ezin dituen gauzetatik. «Kontraesan handi batean bizi zarete zientziazale itsuok», esaten diot: «Zuek esplikatu zeniguten planeta borobila dela eta unibertsoa infinitua, baina, orain, zeuek bizi zarete mugaz eta marraz betetako lauki batean».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna