Albistea entzun

BIRA

Gezurrak

Onintza Enbeita -

2021eko otsailak 24

Iragan larunbatean ez zen kale zurruterako deialdirik izan Gernikan. Auditorioan eta Pasealekuan elkartu ziren gazteak ez ziren milaka izan, eta talde bat baino gehiago afaltzen baino ez zeuden. Ertzaintza ingurura gerturatu zenean, tabernak irekita zeuden oraindik, eta itxi zituztenean, beheko kaleak eta taberna aurreak hustu egin zituzten. Beraz, normala denez, eta 22:00 arte kalean egon gaitezkeenez inongo legerik urratu gabe, hainbat gazte elkartu ziren Pasealeku eta Auditorio inguruan. Beste egoera askotan ohi denez, aukera zeukaten aurpegia estali gabeko agenteak edo udaltzainak bidaltzeko gazteei han ez egoteko abisu ematera. Ez, ordea: jipoitu egin zituzten arrazoi garbirik gabe. Eta ospitaleko sarrera blokeatu zuten zaurituak identifikatu arte.

Hurrengo egunean ez zen beste berririk izan albistegietan. Hori bai, kale zurrutaren gezurra justifikatu nahi duenak hobe luke bere egunkarian Gernikako argazkia jartzea Gernikaz ari denean.

Jokaldia bikaina da: etorri, kolpatu eta komunikabideei titulu erraz batzuk eman. Eta kalean ez da asmatutako istiluez baino beste ezertaz hitz egingo. Gazteak begi puntuan jartzen dizkiguten bitartean, izurritearen kudeaketa negargarria ezkutatu egin nahi digute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna