Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

BIRA

Euskara

Onintza Enbeita -

2021eko azaroak 19

Azken urte eta erdian gertatu ez bezala, neure burua ezetz esaten harrapatu dut. Eta ez da ez dudalako kantatu nahi: fisikoki ezin naiz leku batean baino gehiagotan egon aldi berean. Martxoaren 8ari buruz esaten genuenaren antzerako zerbait esan dezakegu abenduaren 3ari buruz ere. Euskararen eguna ospatzeko interesgarriak gara bertsolariak: kultura, nortasuna, herria, hizkuntza... Ordea, urte guztian egiten diren gauza moderno eta deigarrietan ez dugu hain ondo ematen. Ez dut esango ezertarako deitzen ez zaigunik, ze nire lagun batzuek pentsatzen dute gauza gehiegitarako deitzen digutela, baina azterketa hotz bat egingo bagenu, gure instituzioek ez gaituzte etorkizunarekin lotzen. Ez gu, ez euskarari lotutako ezer.

Gure alderdi politikoentzat eta instituzioentzat euskara lehentasuna balitz, aspaldi gaindituko genituzkeen ele bitan egindako prentsaurreko jasanezinak. Ordea, hemen jarraitzen dugu: lanpostu publikoen ehuneko handia euskaratu gabe, telebista publikoan gaztelaniaz inbertitzen, hezkuntzaz zer esan... eta euskararen egunean bertsolariei deitzen edo iritzia eskatzen. Aurtengoagatik gustatuko litzaidake egun on esateko gai ez diren telebista aurkezleei edo kirolariei galdetzea euskarari buruz. Esan diezagutela zergatik ez duten ikasteko beharrik ez gogorik sentitzen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.