Albistea entzun

BIRA

Aholkuak

Onintza Enbeita -

2022ko urtarrilak 26

Ze zaila den besteengan ikusten duguna guregan antzematea. Ze erraz analizatzen ditugun psikologikoki gure inguruan daudenak eta haien harremanak. Seguruenetik halako edo bestelako inguruan hezi denak badaki zer daukan ondoan, eta seguruenetik guk esaten dioguna jakin egingo du. Hala ere, esan egiten dugu. Guri esaten digutenean alderantzizkoa gertatzen zaigu, ordea: gehienetan kontziente izaten gara esaten ari zaigunak arrazoia daukala, baina gutxitan egiten dugu zerbait egoera aldatzeko. Aholku asko ematen dituenak falta izaten omen ditu beretzat, eta hortxe ibiltzen gara ingurukoen arazoei begira norbereak bakarrik konpondu daitezen desiratzen.

Kontua da, askotan, erosoagoa dela gauzak bere horretan uztea aldatzea baino. Norbere inguruaz ari naiz, jakina, ez munduaz edo egitura sozialez. Horiek aldatzeko lan egin behar da. Norberak, ordea, leku bat dauka bere familian, bere bikotean, bere kuadrillan, bere lantokian, bere aisialdiko taldeetan edo joaten den leku guztietan. Leku hori ez da beti izaten geuk hartzen duguna: askotan eman diguten posizioarekin konformatu egiten gara. Batera zein bestera dela, gauden leku horretatik eraiki dugunean gure bizitzaren zati handi bat, zaila izaten da aldatzea. Horrek inguruko guztiek euren ipurdia mugitzea esan nahi baitu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...