Albistea entzun

BIRA

Zerrenda

Onintza Enbeita -

2022ko azaroak 29

Aria Starkek aita nola hil zioten ikusi zuen umetan, eta mendekua hartuko zuela zin egin zion bere buruari. Aitaren hilketan parte hartu zuten guztien izenak gorde zituen gogoan, eta gauero errepikatzen zituen. Zerrenda osoa esan arte ez zuen lorik egiten. Gorrotoaren eta hilketan izandako garrantziaren arabera ordenatuta zituen izenak. Bat hiltzen bazen, haren hurrengoak hartzen zuen aurrekoaren lekua, eta horrela, zerrendan inor ere ez geratu arte. Pena hartzen zuen beste norbaitek hiltzen zituenean zerrendan gordeta zituen pertsonak.

Aria Stark fikzioa da, jakina, eta nik ez dut sekula inor hiltzerik pentsatu. Hala ere, gauero errepasatzen dut bizitza izorratu didatenen zerrenda: burla egin didatenak, nire lana zalantzan jarri dutenak, polita izateko lodiegi iritzi didatenak, bertsotan bainoago negar egiten dudala esaten didatenak, gure hizkuntza zapaltzen dutenak, feminismoa gorroto dutenak, pertsonen esplotazioak aberastu dituenak... Batetik, oztopoak gainditu egin ditudala ikusten dut, eta, bestetik, izorratu nautenek zorterik ez izateak pozten nau.

Ez dut mendekuan sinisten, baina fikziozko pertsonaia maitatuenetakoa dut Stark txikia. Neuk ere egunero errepasatzen dut neure zerrenda. Ez dut inor hil dadin nahi, baina batzuei zerbait gaizki ateratzeak lasaitu egingo ninduke.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...