BIRA

Jasangaitza

Onintza Enbeita -

2018ko irailak 11

Nazkatuta naukate. Edozein lekutan zaudela, edozein ordu dela, astegun zein jaiegun, telefonoak jotzen dizu, eta nor zaren galdetzen dizute beste aldetik. Zuk deitu badidazu, zeuk jakin beharko duzu nor naizen. Ez dago ezer ulertarazteko modurik. Eskaintzak egiten hasten dira: telefonoa debalde, bizitza asegurua, kreditu txartela... saiatzen zara azaltzen ez zaizula interesatzen, baina berdin dio, buruz dakiten guztia esan arte ez dute amore ematen. Hori bai, beti gaztelaniaz. Euskaraz egiteko eskatuz gero, isilik gelditzen dira. Batzuetan, ez dakite halakorik baden ere: ozeanoaren beste aldetik deitzen dute, telefono konpainia handiei merkeago ateratzen zaielako deien zerbitzua handik kudeatzea hemendik baino. Pentsa!

Azkenean sututa erantzuten diezu, uzteko bakean, ez duzula ezer nahi, eta mindu egiten dira. Aurreko batean esan zidaten neuretzat ona den gauza bat eskaintzen ari direla, eta ez badut entzun nahi zoroa naizela. Ez dakit zer erantzun nien, baina ezer onik ez.

Badakit ez daukatela ezeren errurik, langileak baino ez direla, enpresa handiak daudela atzean, elkartasuna sentitu behar nukeela haien lan baldintza eskasengatik... baina ezin ditut jasan! Norbaitek gelditu behar du telefono bidez jazartzeko tendentzia hau; gure osasun mentalaren onerako izango da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iruñeko Alde Zaharreko taberna bat. ©Jesus Diges / EFE

Nafarroako Gobernuak aholkatzen du etxe berekoekin soilik elkartzea

Joxerra Senar

Kaleratu du gaur gauerdian indarrean sartuko den foru araua, eta, han adierazten duenez, beste lurraldeetako herritarrek badaukate Nafarroa zeharkatzea, betiere «jatorria eta helmuga handik kanpokoak badira»

Militarren kontrol bat, joan den apirilean, Lizarietan, Lapurdi eta Nafarroaren arteko mugan. ©Jagoba Manterola / FOKU

Nafarroa ixteak ez dio eraginen Ipar Euskal Herriarekiko mugari

Berria

Nafarroatik Gipuzkoara eta Arabara ezinen da igaro, baina bai Nafarroatik Lapurdira, Behe Nafarroara edo Zuberoara. Ana Ollo Nafarroako Herritarrekiko Harremanetako kontseilariak erran du Nafarroak ez duela eskumenik Ipar Euskal Herriarekiko muga ixteko.

Santos Indurain, Lizarrako Garcia Orkoien ospitalera bisita egiten, abuztuan. ©Iñigo Uriz / Foku

Indurainek aitortu du Nafarroako osasun sistema egoera «zail baten atarian» dagoela

Jon O. Urain

1.186 positibo atzeman dituzte azken orduetan Hego Euskal Herrian. Azken astebetean 74 pertsona hil dira Araban, Bizkaian, Gipuzkoan eta Nafarroan.

Jangeletako langileen manifestazioa, gaur goizean, Bilbon ©monika del valle / Foku

Eskoletako jangeletako langileek greba egin dute, enplegua eta lan baldintzak bermatzea eskatzeko

Irati Urdalleta Lete

Beste bi greba egun ere deituak dituzte: hilaren 27a eta 29a. Oraindik ez dute eman gaurko grebako parte hartzearen inguruko daturik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna