BIRA

Bitartean

Onintza Enbeita -

2019ko irailak 24
Gu Donostian egon gara. Batzuetan lana luxua da, eta hau horietako kasu bat izan da. Elkarrizketak moriartitarrekin, kafea Harkaitz Canorekin, Ramon Agirrerekin solastatu, Maria Cristina ikusi... takoien nekearen gainetik, poza gailendu zitzaigun igande gauean. Astelehena zen bukatu genuenerako, baina psikologikoki balio izan zigun oraindik domeka zela pentsatzeak. Aspaldi ez nuen hainbeste gozatu lanean; munduko talderik onenaren parte sentitzen nintzen.

Eta lagunak ikusi nituen Donostian. Gernika ingurukoak. Kafea jokatu genuen La Trinchera Infinita-k Urrezko Maskorra lortu edo ez. Nik baiezkoan jarraitzen dut, baina zineaz zenbat dakidan ikusita, ez nau ia inork serio hartuko. Zorte handia neukala esaten zidan jendeak: Zinemaldian lan egitea zortea delako. Eta bai, zorteko sentitu naiz asteburuan: pribilegiatu. Baita Javiekin selfieak egin eta lantalde osoa barreka ibili zaidanean ere.

Bitartean Bilbon, Donostiatik ordubete eskasera, emakume bat egon da pisu batean bahituta. Hiru egunez eduki dute han. Eta bortxatu egin dute. Eta horrela dago pantailarik gabeko mundua, batzuetan hain zortekoak ez garela gogorarazten diguna. Pribilegioak nork eta zertarako erabiltzen dituen gordin erakusten diguna.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna