Albistea entzun

BIRA

Bertsio ofiziala

Onintza Enbeita -

2021eko irailak 25

Larunbata izan zen orduan ere irailaren 25a: «Heriotza komisarian» zioen titularrak. Perspektibaz begiratuta, «Hilketa komisarian» jarri beharko zukeen. Ostegun gauez joan ziren Gurutze Iantziren bila eta hil arte txikitu zuten. Zapaturako zabala zen haren hilketaren berria, baina ez zen bakarra. Berriek ziotenez, Xabier Galparsoro Basurtuko ospitalean zegoen. Hura ere atxilotua, torturatua eta leihotik kanpora botea. Ume ginen oraindik, baina presente daukat irail hura: institutuko grebak, aitaren negarrak telebistaren aurrean, amaren haserrea, manifestazioak... Orduan ikasi genuen bertsio ofizialak ez duela ia inoiz egia esaten. Orduan ikasi genuen bihotzekoaren eta torturaren artean bereizten. Orduan usaindu genuen ez dela berdin desesperatuta leihotik ihes egiten saiatzea edo zu txikitzeaz aspertu den norbaitek leihotik behera bultza egitea. Eta ez zaigu ahaztu zer diren elektrodoak, poltsa, bainuontzia, etengabe sentadillak egitea, lorik egiten ez uztea... Oraindik ere bertsio ofizialak agintzen du: batzuk gaiztoak izan garelako euren burua babestu behar izan dute besteek modu onean, polizia gaizto batzuek salbu.

Baina badakigu tortura erabaki politiko baten ondorioa izan dela hemen; baita Ertzaintzak torturatu duenean ere.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.