Albistea entzun

BIRA

Koherentzia

Onintza Enbeita -

2022ko maiatzak 17

Ea nire ezkontza noiz izango den galdetu didaten bakoitzean euro bat kobratu izan banu, aberatsa ez nintzateke izango, baina afari eder bat jango nuke. Ez naiz ezkontza askotara joan, baina joan izan naizenetan ederto pasatu dut. Feminismoak irakatsi didan guztia irakatsita ere, badira irribarrea eragiten didaten gauza normatiboak. Batzuetan neure buruarekin haserretzen naiz «ea hurrengo nor ezkontzen den» esaten dudanean lehengusuen bazkarietan, edo film erromantikoak ikusten ditudanean, edo zalantzan jarri beharko nituzkeen gauza askotan parte hartzen dudanean.

Halakoetan konturatzen naiz koherentzia nekagarria dela. Ezertan sinisten ez duenak edozer egin dezake inolako kontraesanik gabe, baina zerbaiten parte denak edo zerbaitetan sinisten duenak zail izaten du erabakirik hartu beharrik gabe aurrera jarraitzen. Erabat gure kontra eraikitako mundu batean bizi gara, eta gauzak diren baino justuagoak izateko borroka egiten dugu, baina, aldi berean, munduak gure kontra egoten jarraitzen du eta han bizi behar dugu. Horregatik sortzen zaizkigu kontraesanak, haserreak eta zalantzak, eta horiek ere ederrago egiten dute bizitza. Izan ere, koherentzia gogorra bezain ederra da, eta haren izenean ez dugu guardiarik jaisten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.