Albistea entzun

BIRA

Sareak

Onintza Enbeita -

2022ko urriak 4

Ez dakit zertarako sortu zen sare sozial bakoitza hasieran, baina orain funtzioak nahastuta daude. Lehen, adinka bereizten ziren, adibidez, edo espazioaren arabera. Orain, nahi adina karaktere sar daitezke Twitterreko hari amaigabeetan. Nork behar du Facebook? Argazkiak ere edonon daude: ez Instagramen bakarrik. Bideoak ere aspaldi atera ziren Tiktoketik: sare guztietan daude. Istorioak ere ez dira Instagramen esklusiba. Dena dago denean eta ez ditugu sare bakoitzaren berezitasunak ikusten. Agian inoiz ez dute funtzio desberdinik izan, baina inoiz izan badute ere, bistan da orain ezetz. Dena dago denean, eta holakoetan ohi denez, ezer ez dago inon. Ez noa ezer esatera, ze sare sozialetatik kanpo ere dena nahasteko adinean nago, baina ondo legoke sare bakoitzaren lehentasunak definitzea: informazioa eman, gure bidaia erakutsi, txortarako norbait bilatu...

Pertsonala politikoa den heinean, bizitza batzuk aldarrikatzeko modukoak dira, baina bakoitzak zer gosaldu ohi duen edo zer gustatzen zaion orokorrean edo zerk amorratzen duen edo loak hartzeko zer egiten duen, Tinderreko xehetasunak direla iruditzen zait. Neuri. Urduri jartzen naiz Ukrainako gerrari buruzko informazioaren azpian norbaitek eguneko menua zein tabernatan jan duen irakurtzen hasten banaiz.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...