HITZ ETZANAK

Zehatz

Andoni Egaña -

2019ko uztailak 25

Emakumezkoa zen. Mercedes Gleitze zuen izena eta 1927. urtean Mantxako kanala igerian zeharkatu zuen. Hamar ordutik gora behar izan zituen balentria osatzeko. Bazen inguruan irudiak hartuko zituen argazkilaririk... Aurpegira bezainbat enfokatzen zuten kamera emakumearen eskumuturrera. Izan ere, erloju-etxe batek modu horretan frogatu nahi izan zuen bere erloju berriek hautsari eta urari zeinen ongi egiten zioten aurre. Igerilaria uretatik irten zenean, erlojua bazebilen. Biharamuneko Daily Mail egunkariaren lehen orri osoa erosi zuen enpresak berria zabaltzeko. Rolex erlojuek ospe handia izan dute geroztik.

Umoreak ere badu lehengusu pobre bat: txistea. Eta atzoz geroztik ahoz aho dabil Rolexena eta perretxikoena. PNVko diputatu den Aitor Estebanek bota zion Pedro Sanchezi Espainiako Parlamentuan. Grazia egin dio askori. Baina ez du erloju suitzarrek adinako zehaztasunik. Edonorako eta edonorentzat balio du. Duela sei-zazpi urte PSE-EEkoek grabatu zuten txiste bera dramatizaturik —bi lagun basoan saski eta guzti— garrantzitsua zer zen zehaztu eta nazionalistei beren betiko raka-raka-n etsi zezaten eskatzeko.

Hurrengoan perretxikoez idatziko dut. Akaso, jendarte honetan, Rolexez baino gutxiago daki jendeak gibelurdinez...

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Erizain bat, gazte bati txertoa ematen, Brasilen. Umeak txertatzeko ohiko kanpainetan jaitsiera nabaritzen hasi dira aurten ©FERNANDO BIZERRA JR / EFE

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, txertoari buruzkoak.

Nafarroako Ospitaleko ZIU gunea, Iruñean. / ©Jesus Diges, EFE

Iruñea ez dago Madrilek hiriak konfinatzeko ezarri dituen irizpideen barruan

Arantxa Iraola - Maddi Ane Txoperena Iribarren

Positiboen tasa eta PCR bidez atzemandako kasuak aintzat hartuta, itxi egin behar lukete, baina ZIUetako okupazioan hobeto dago. Espainiako Estatuko osasun ordezkariak bilduta daude, eta Madrilek gaur iluntzean erabakiko du zer neurri hartu.

PCR probak Gurutzetako ospitalean. ©Luis Jauregialtzo, FOKU

COVID-19a zuten 59 lagun hil dira azken astean Hego Euskal Herrian

Uxue Rey Gorraiz

Beste 697 kasu atzeman dituzte Hegoaldean. Bizkaian, Gipuzkoan eta Araban, hiruretan egin du gora positiboen kopuruak. Nafarroan, aldiz, aurreko egunean baino kasu gutxiago atzeman dituzte. 12.760 PCR proba egin dira egun bakarrean Hegoaldean.

Hezkuntzako sindikatuek deituta egindako greba, irailaren 15ean ©jon urbe / foku

Sindikatuek «asmoetatik ekintzetara» pasatzeko eskatu diote Hezkuntza Sailari

Irati Urdalleta Lete

ELA, LAB, Steilas, CCOO eta UGT sindikatuek bilera bat eskatu zioten gaurko Jokin Bildarratz Eusko Jaurlaritzako Hezkuntza sailburuari, baina «datozen egunetan» bilduko direla esan dute sindikatuek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna