Albistea entzun

BIRA

Eguneraketa

Onintza Enbeita -

2022ko irailak 23

Sutan jartzen nau telefonoari eguneraketarik sartu ezinak. Hasieran denak funtzionatzen du zoragarri, baina gero, gauzarik sinpleenetan ere kaka zaharra! Amorrua ematen dit erabili eta botatzearen kultura honek. Telefono bat saltzen dizute munduko onena delakoan, eta handik hiru urtera ezin dituzu erabiltzen dituzun aplikazioak eguneratu. Zer egin behar dugu: aldiro ondo dabilen telefonoa bota eta berria erosi?

Mundua zabortegi bihurtzen ari gara. Klima aldaketa arazo handi bat da, beroa beste bat eta sortzen dugun zabor guztia beste bat. Ez gara errudun bakarrak, ados. Kapitalismoak, hura kudeatzen dutenek, munduaren aginte kontrola hartu duten lau psikopatek, gure agintari neoliberalek eta faxistek dute errurik handiena. Egunero ikusten ditut telebistan eta badakit ez dutela egoera hobetzeko ezer egingo. Zer egingo dugu guk, ordea? Zaldibar ahaztu dugu, atez atekoari buruzko benetako eztabaida egin gabe jarraitzen dugu, edukiontziak bete egiten ditugu non hustuko dituzten galdetu gabe, plastikoa lehengo beste kontsumitzen dugu, janariaren zaporea daukaten gauzak jaten ditugu janaria ekoitzi beharko litzatekeen lekuetan porlana botatzea onartzen dugulako... eta zaborra sortzen dugu tonaka. Eguneraketa orokorra behar dugu gure sistema operatibo propioan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.