Albistea entzun

BIRA

Indarkeria

Onintza Enbeita -

2022ko azaroak 25

Irene Montero adibide bat baino ez da. Egon gintezke harekin ados edo ez, baina jasaten dituen erasoak indarkeria dira. Mila modu daude arrazoiak eztabaidatzeko, sakon aztertu duzun gauza bakarra zure senar ohiaren gorputza dela esan gabe. Guztiok dakigu Montero abizenaren aurrean gizon izen bat balego, ez lioketela esaten dioten guztia esango. Edo beste era batera esango liokete, beste hizkuntza batekin, beste lotsa batekin. Edozein emakumerentzat da gogorra gorputza plazan jartzea. Berdin du kirolaria, bertsolaria, politikaria edo dantzaria bazara. Zure ahalen kontra egin nahi dutenean, isilarazi nahi zaituztenean edo etxera joan zaitezen nahi dutenean, zure gorputza jipoituko dute. Sinbolikoki normalean, baina ahal balute fisikoki ere min egingo lizuketela sentiaraziz. Halako gorrotoa eta indarkeria transmititzen dute, halako harrokeriarekin jartzen zaizkizu aurrean, ezen sentitzen baituzu ahal balute txikitu egingo zintuzketela. Eta zama horrekin joan behar duzu aldiro lanera, agertokira, kongresura edo zure lana egiteko aukeratu duzun lekura. Ez baitagokizu zuri lekuak aukeratzea: zure rola da ematen zaizun lekuan irautea. Ez da justua, ez da etikoa eta ez da halabeharrez jasan behar dugun zerbait. Aitzitik, zerbait egin behar dugu ez dadin hala izan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.