BIRA

Erroma

Onintza Enbeita -

2019ko urtarrilak 19
Erromak ez omen zituen traidoreak ordaintzen. Hala esan zieten Viriato hil zutenei. Laguna akabatzeko erosi zituen Erromak, baina laguna hiltzearen ordaina eman ordez, haiek ere hil egin zituzten traidore izatea egotzita. Gaur ere gertatzen dira halakoak. Askotan eskatu zaio hari edo honi bere ibilbidea uka dezan, bere ideologiaren ustezko gezurra onar dezan, publikoki akatsak onar ditzan... eta gero, errediturik ematen ez duenean, bertan behera utzi da. Utzi da lehengo lagunak kenduta eta berririk eman gabe. Erroma Erroma baita eta hala izan baita beti: inperioaren sinboloa eta sinboloen inperioa.

Eta Erromak ez du bere menera egon ez den inor goraltzen. Ez lehen, ez orain. Eta ahaztuta uzten dituzte politikari onak izandakoak, artista bikainak, militante ahaztezinak... Erromak badaki nor irakatsi behar duen eskoletan eta komunikabideetan eta besteok hori irensten dugu, eta ikasarazi zizkigutenen ondoan, ondo-ondoan, jende hobea dago. Eta izen horien bila itzaletan ibili beharrak sutan jartzen nau. Eta neure onetik ateratzen nau ikusteak, ustez botere sinboliko horien guztien kontra daudenek ere, ez dutela zalantzan jarri noiz eta non nor omendu behar den edo dokumentalak nori buruz egin behar diren edo maite izan genituenei buruz zer ezkutatu diguten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna