BIRA

Matriuska

Onintza Enbeita -

2020ko martxoak 25

Gure etxeak matriuska baten antza dauka: lau horma, hormen barruan armairuak, armairuen barruan kutxak, kutxen barruan kutxa txikiagoak eta gauzak. Gauza asko leku guztietan. Opariak, bidaietatik ekarritakoak, papera, loreak, postalak, liburuak, diskoak, egutegiak, pelutxeak... ez dakit zenbat terapia egin ditudan azken hogei urteetan, baina badakit guztietan azaldu didatela gauzak botatzearen garrantzia. Alferrik.

Ahalegina egiteari ez zaio utzi behar, ordea, eta itxialdia une aproposa da armairuak aireztatzeko. Hasi naiz kaxak zabaltzen, eta terapiek lortu ez dutena koronabirusak lortu bide du. Gordetzeko tentazioaren aurrean, kutxa batzuk ere bota egin ditut. Garbitzen, oparitzen, botatzen nabilela, oroitzapenek hor jarraitzen dutela konturatu naiz.

Sorpresa atsegina izan da benetako matriuska neu naizela ulertzea: geruzaz geruza oroitzapenez eta bizipenez beteta nago. Izandako muxuen, algaren, mendien, bertsoen, azken agurren, ongietorrien, negarren, laztanen, ezkontzen, kantuen, errepideen, esanen, gonbidapenen, garagardoen zein azalen oroigarri fisikorik ez dut behar. Neure gorputza da bizi izan dudan guztiaren lekuko fisikoa, eta biziko dudanaren itxaropena gordetzen duena ere bai. Eta pisu itzela kendu dut gainetik; bai fisikoki eta bai metafisikoki ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan du gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

EHUko ikasle batzuk, artxiboko irudian ©Luis Jauregialtzo / Foku

EHUk espedientea ireki dio irakasle bati, eskolak maskararik gabe ematen zituelakoan

Irati Urdalleta Lete

Farmazia Fakultateko irakasleak positibo eman du PCR proban. Hamabost eguneko epean ebatziko dute espedientea.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna