BIRA

Begiradak

Onintza Enbeita -

2019ko ekainak 5
Sutan jartzen nau bularretara begira hitz egiten didan jendeak: eo, hemen goian, hemen ditut begiak! Nik ere gustura begiratuko nuke leku askotara, baina gauza ederra da aurrean daukazunari, aurrez aurre begiratzea zerbait esaten ari denean, edo zeu hari zerbait esaten ari zatzaizkionean. Eta hala ere, aurpegira begiratzea gauza ederra izanda ere, urduri jartzen nau hipnotizatuta bezala begiratzen didan jendeak. Inpresioa izaten dut Txanogorritxuren ipuina kontatzen hasten banaiz ere hantxe jarraituko dutela, zerbait interesgarria esaten ari banintz bezala neuri begira-begira.

Ikasi dut ikusten ez nauten begiak identifikatzen. Beti dago norbait laugarren garagardoan esaten dizuna ez duela ulertzen zuk bikoterik ez izatea. Galanta zara, jatorra zara, eta bikoterik ez daukazu, baina ojo, berak ez du zurekin ezer nahi. Ez da konturatzen, baina esaten ari zaizuna da beretzat ikusezina zaren arren ezin duela ulertu nola zaren hala beste askorentzat. Besteak inuzenteak dira, baina berak egoera ikusteko gai den lagun azkarra baino ez du izan nahi.

Baina badago hitz egiten ari zarenean barrua ikusten dizuten begiak. Jartzen zaizkizu begira-begira eta zuk esaten duzuna esaten duzunean, zure barruan zer mugitzen den ikusteko gai dira. Horiek; horiek interesatzen zaizkit.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna