BIRA

Bordea

Onintza Enbeita -

2019ko abenduak 13

Bordeagoa izan behar dudala esaten didate. Jendearekin beti atsegina izateak arazoak sortzen ei dizkit. Hori esaten didate kuadrillakoek egoeraren batek gainditzen nauen aldiro, edo onartzen ez duten arren, gaindituak haiek direnean. Esate baterako: goizaldeko ordu txikietan mesedez argazkirik ez ateratzeko esatearren, norbait haserretu zaidanean. Edo lekuz kanpo bertsorik ez kantatzearren kritikatzen nautenean. Edo sare sozialetako mezuak ez erantzutearren harrotu egin naizela iradokitzen didatenean. Edo besterik gabe, proiektatzen dudan energia maite ez dutelako edozein gauza leporatzen didatenean. Logikaz arrazoitu ordez, «hasieratik bidali behar zenuen pikutara» esaten didate. «Izan lagunak honetarako!», erantzuten diet nik beti; sututa.

Izan ere, gizarte normal eta osasuntsu batean, inork ez luke haserretu behar, beste batek ez duelako harekin argazki bat atera nahi, edo hitz egin nahi. Ezetza ezetza dela esaten badugu, bizitzako egoera guztietan, hala ulertu behar genuke. Nik ez dut inorekin bordea izan nahi, eta hala izateko joera dutenek ez didate inbidiarik ematen. Nik nahi dudana da, nire espazioa markatzen dudanean, besteek errespetatzea. Nire uztaiaren barrura ez salto egitea nire baimenik gabe. Horixe baino ez.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©PEDRO PUENTE HOYOS / EFE

«'Pandemiaren urteak', esan nuen. Urteak izango direlakoan: urteak»

Arantxa Iraola

Aurrera urratsa egin, eta hedabideetan naro-naro dabilen zientzialarietako bat da Del Val; txertoa lortzeko prozesuak oso azkar doazela onartu du, baina uste du une aski zailak eragin ditzakeela oraino ere izurriak.

 ©Juan Carlos Ruiz / Foku

COVID-19ak hiru hildako utzi ditu Nafarroan

Berria

13.012 PCR egin dituzte Hego Euskal Herrian, eta horietatik 842k positibo eman dute. 

Protesta bat Gasteizen. ©E.PORTILLO/ FOKU

Arabako zahar etxeak ere, grebara

Erredakzioa

Hiru lanuzte egingo ditute, ELAk, LABek, UGTk eta CCOOk deituta, «prekarizazioa» salatzeko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna