Noiz sortua: 2020-02-14 00:30:00

BIRA

Maitasuna

Onintza Enbeita -

2020ko otsailak 14
Bihotzak eta loreak erakusleihoetan: «oparitu iezaiozu zerbait». Maite baduzu, maiteminduta bazaude, erakutsi iezaiozu munduari. Merkea da: hogei euroren truke urte guztirako salbokonduktoa lor dezakezu. Inork ez du pentsatu nahi harremanetan irauteko inposatu dizkiguten moduez, rolez, heteronormatibitateaz... gaur ez, eskerrik asko. Gaur gurutzatuko gaituzten gezi bakarrak maitasunarenak dira; baita hil arte pozoituko gaituztenak ere.

Eta hor joan da urte guztian emaztea txiki-txiki sentiarazi duen gizona lore sortarekin kalean behera. Guztiek ikusten dute zeinen detaile politak dituen. Zer esan opari bi erosi dituenaz: eskularru berriak emaztearentzat eta lentzeria fina maitalearentzat. Lorak zakarretara botako dituenik ere bada opari egilearen jazarpena jasan ezinda. Afaltzera derrigorrez joan eta aharrausika dagoen betiko bikotea guztiok ikusi dugu. Ohean elkarri bizkarra eman, eta azken sei hilabeteetan bezala, gaur ere zurrunga egingo dute askok. Ezkontzeko eskaera publikoan egiteko aprobetxatu du gure auzoko mutil jatorrak, ezetz esateko aukera oro ezabatuz.

Baina lasai, hori dena normala da: amargatuta gaudenok, arraroak garenok, buztanaren beharra dugunak, beti hilekoarekin gaudenak gu gara. Gaur oparirik egiteko eta jasotzeko inolako asmorik ez dugunok.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna