BIRA

Salaketak

2019ko ekainak 29

Berriro ere entzun dut politikari bat salaketa faltsuez berbetan. Genero indarkeriaren gaiak daukan arazorik handiena horixe ei da: emakumeek legea baliatzen dutela, gezurra esan eta gizonen kontra jotzeko. Ez dakit zenbat aldiz esplikatu dugun halako baieztapenen atzean ze lokatz klase dagoen. Indarkeria jasan duten emakumeetako zenbaitek salaketa faltsuak egin dituela esateak ahalbidetzen duen bakarra da barrutik txikituta dagoen emakume bat oraindik eta gehiago hondoratzea poliziarengana edo epailearengana doanean. Demagun norbaitek mobil berria eman diezaioten zaharra ostu diotela salatu duela, eta ondorioz, horren ostean datozen lapurreta guztiak ustezko bihurtzen direla. Inork ez du halakorik pentsatzen, ezta? Zalantzak indarkeria matxistaz ari garenean bakarrik sortzen zaizkigu.

Bada, salaketa faltsuak ez dira salaketa guztien %1era heltzen. Ez hori bakarrik: gehiago dira salatu gabe gelditzen diren erasoak, izan gabe asmatzen direnak baino. Beraz, ea halako batean ikasten dugun genero indarkeriaren arazorik handiena, eta ez horregatik bakarra, emakumeak hiltzeko inpunitatea sentitzen duten gizonak direla. Eta inpunitate hori hezkuntzak, gizonentzat eraikitako mundu binarioak eta politikari honek egin dituen moduko adierazpenek ematen dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Albiste gehiago

Arrosarioa

Ane Labaka Mayoz, Mariñe Arbeo Astigarraga - Txakur gorria

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.