HITZ ETZANAK

Bitxia

Andoni Egaña -

2020ko irailak 22

Pertsona animalia bitxia da. Badaki; badaki maitatzen; badaki sufritzen…

Baina pertsona, bitxia delako, gai da ez dakiena ere badakiela uste izateko; gauza da ez den zerbait maitatzeko; eta bere sufrimendua alfer-alferrik handitzeko ere kapaz da. Sufrimendua biderkatzeraino handitzen diona beldurra da. Sufrimenduak, erreala den orok ohi duenez, badu muga bat. Baina beldurrak, irudimenaren fruitu den heinean, ez du mugarik, eta, ondorioz, sufrimendua eraman dezake nekez imajina zitezkeen neurrietaraino. Pertsona beldur da egunen batean ezer gabe geratuko ote den. Eta beldur horrek berak eramango du ezer gabe geratzera. Beharrezko duenik gabe geratzeko beldurrak darama beharrezko ez dituen ondasunak pilatzera. Pilatze horrek naturaren oreka hautsiko du eta pertsonari helduko zaio hezurretarainoko beldurra sortzen zion eskasia hura… Kontsuelo bakarra izango du orduan: «Arrazoi nuen nik» esatea.

Ez dira nire hitzak. Jose María Cabodevillarenak dira, COVID-19a baino askoz ere lehenagokoak. Demagun itxialdi hasieran hain ospetsu egin ziren komuneko paper rollo haietako batean idatzirik aurkitu ditudala. Akaso, itzulpena ez da guztiz egokia. Komuneko papera garajeko zoko batean aurkitu dut, umeldua, horitzen hasia, alferrik galdua…

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©Malen Amenabar Larrañaga / Txakur Gorria
Itziar-Ondarroa
Hamabostaldia Mexikon

Hamabostaldia Mexikon

Kirmen Uribe

Berezko dudan baikortasun, ezen ez xalotasun, honek traizionatu egiten nau batzuetan. Gaztetan maite nuen Emil Cioran-en ezkortasun beltza, baina orain, zer esango dizuet, nahiago dut Bertrand Russell-en inkonformismo bizizalea. Uste genuen abuztuaren bukaeran gauzak hobeto egongo zirela Covid-aren kontuarekin, Europa eta Estatu Batuen arteko mugak zabalduko zituztela eta ez genuela arazorik izango New Yorkera itzultzeko. Baina ez da izan horrela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna