BIRA

Andoni (II)

Onintza Enbeita -

2019ko maiatzak 16
Andoni arrain saltzaileak badu Andoni baserritar bat auzoan. Sarritan jaiki izan da hau ere goizaldeko 04:30ean. Kontatzen duenez, duela urte asko erabaki zuen bizimodua baserritik ateratzea, eta administraziora joan zen aholku eske. Negutegiak jartzeko esan zioten: negutegi asko. Urazak, zerbak, tomateak eta piperrak ekoizten hasi zen, eta bildutakoa Merca Bilbao izeneko leku beldurgarrian saltzen zuen. Gauza onak merke erosi nahi zituzten hara joaten zirenek, eta «hemen dator baserritarra», eta antzerako komentarioak egiten zizkioten Andoniri. Lan asko egiten zuen astean zazpi egunez, eta ez zuen diru askorik irabazten. Kexek ez dute asko balio, eta ideia berria izan zuen: inguruko dendetara joan zen bere produktuak saltzera. Merca Bilbaon baino diru gehiago ateratzen zuen ekoizpen kopuru berarekin, eta bere buruarekiko estimua igo egin zion horrek. Han Europan kontsumitzaile taldeak eta saskiak bazirela jakin zuen, eta hango eredua Euskal Herrira ekarri zuen. Gaur egun, astean egun bi libratzera iritsi da, eta lehen baino saski anitzagoak egin ditzake lur kopuru berean. Baina badu kexu bat: oraindik ere, Foru Aldundiak eta Eusko Jaurlaritzak berak hasieran izan zuen bizimodu hura hobea dela esaten diete lehen sektorera hurbiltzen diren gazteei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna