BIRA

Erdu

Onintza Enbeita -

2019ko ekainak 8
San Romaneko zelaian batzartu ginen, ipurdiak autoetan apoiatuta: inork ez gaitu lagundu nahi, pegak baino ez dizkigute jartzen. Zuek gazteak zineten, ni ez hainbeste. Orain baino hamar urte gutxiago nituen, baina zuetako batzuek oraindik gida baimenik ere ez zeneukaten. Ilusioa transmititzen zenuten, eta indarra. Udaletxean gutxiengo absolutua geneukan, baina nork esan ezetz halako olatuari? Herrian sekula ikusi gabeko aukera ikusten genuen zuengan. Erdu ipini zenioten taldeari izena: zatoz. Badakizu, Onin, jendea gure ondora batu dadin. Ez borroka gutxi eginda, ez gutxi eztabaidatuta, ez kristorenak entzun gabe, baina egin zenuten lehen Gazte Egun hura: urriko egun euritsu batean. Desastrea izan zen dena, munduaren amaieran baino euri gehiago egin zuen, baina ze ondo pasatu genuen! Atzera begiratuta, argi dago orduantxe ikasi zenutela, ikasi genuela, bidea egiteko lehen pausoa eman egin behar dela, eta zelan ez, ekaina askoz ere hilabete hobea dela halakoak antolatzeko.

Gaur hamargarrenez elkartuko gara San Romaneko zelaian. Aspaldi dena hain ondo egin zuten haiek Itoitz entzutera batzen ziren lekuan. Pegak jarri zizkigutenen gainetik, bizitzak jar ditzakeen oztopo guztien gainetik, garai bateko ilusio eta indar berbera transmititzen dizkidazue. Biba zuek! Zorionak, Erdu!

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna