BIRA

Venezuela

Onintza Enbeita -

2019ko urtarrilak 26
Irakurri eta entzun izan ditut venezuelarrek chavismoa defendatzeko dituzten arrazoiak. Ez dago arrazoi bat sistemaren zentrotik kapitala kendu eta bizitza jartzeari lotuta ez dagoenik. Ez naiz egundo Venezuelan izan, baina pentsa dezaket nola bizi ziren hangoak Hugo Chavezek hauteskundeak irabazi baino lehen. Ez dago ekonomia tratatu handirik irakurri beharrik: nahikoa da eskasiaz kexu direnak nortzuk diren ikustea. Ez dut nik ukatuko Venezuelako Gobernuak azken urteetan akatsik egin duenik, eta ez dut esango denean asmatu duenik. Baina munduko zein agintarik esan dezake hori? Batek ere ez, kontrakoa sinistu arazten saiatzen bazaizkigu ere. Eta badakit Chavez ez dela Maduro, baina jokoan dagoena ez dira pertsonak, presidenteak edo haien izenak: jokoan dagoena herri eredua da. Batzuek herria biziarazteko lan egiten duten bitartean, besteen buruetan betikoak herriaren kontura aberasten jarraitzeko plana baino ez dago. Eta hori badakigu zer den, ez baita Venezuelan bakarrik gertatu gure historia hurbilean.

Eta zalantzarik dudanean, ozeanoaren beste aldetik ondorioak ateratzea zaila dela pentsatzen dudanean, Venezuelako oposizioari begiratzen diot. Askotan norbaiten alde jartzeko nahikoa baita kontra nortzuk dituen jakitea. Eta ni Madurorekin gelditzen naiz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna