EKOGRAFIAK

Agian?

Miren Manias -

2020ko urtarrilak 22

Lagun batek katua ekarri du. Lehen aldia da animalia bat zaintzeko ardura duena. Oraingoz, nahiko ondo moldatzen ari da. Halere, ez ditu katuaren hainbat jarrera ulertzen. Maitagarria da; baina laztantzen duenean, kasurako, kosk egiten dio sarri. Dioenez, ez da amorruz egindako koska. Nahiago du, ordea, animaliak halakorik egingo ez balu. Katuek, bestalde, marraka ugari egiten dituzte. Bakoitza, gainera, esanahi ezberdinekoa da. Lagunak, zehazki, zailtasunak dauzka horiek interpretatzeko. Eta nahiko luke animaliak gehiago ezagutzen laguntzeko telebista saio bat. «Afaldu ostean, prime time-an, sofan eserita ikusteko».

Nork ikusten du telebista modu tradizionalean? Alegia, sofan eserita eta parean tokatzen denari begiratuta? Zuetako batzuek, ziurrenez, jada ez duzue telebistarik etxean. Beste batzuek, ordea, bai; eta eduki jakinak ikusteko erabiltzen duzue gailu tradizionala. Areago, hainbat saio bertan ikusten hasi, baina nahieran edo streaming bidez amaitzen dituzue. Lagunak telebista piztu eta dagoena ikusten duela azaldu dit. Hau da, ez lioke gogaituko ordutegi baten menpe egoteak, animalien gaineko saioa ikusteko. Izan ere, ez dauka Netflix, Amazon edota HBO plataforma digitalen harpidetzarik.

Bada alderantzizko bidea egiten duen jendea. Sarean telebista saio batekin topo egin eta zuzenean ikusteko gogoa pizten diena, alegia. Horrela azaldu zuen Gaizka Izagirre kazetariak Euskadi Irratiko Baipasa saioan, joan den astean. Kasu horretan, La2eko Un país para escucharlorekin gertatu zaio. Ildo horretan, nabarmenduko nuke sare sozialek ikusleak harrapatzeko duten indarra. Saio bat zuzenean zein streaming bidez ikus dezaten.

Estrategia digitala beharrezkoa da. Iñaki Martinez de Luna soziolinguistak atzoko BERRIAn esan zuen «euskarari gero eta premiazkoagoa zaion katebegia» dela eremu digitala. Edorta Arana EHUko irakasle eta ikertzaileak, bestalde, honakoa zioen Ihesaldia telesailaren gaineko ikerketaz: «Gazteek ohiko telebista pantailetatik harago dauden edukiak ikusten dituzte. Ezin da itxaron etor daitezen; dauden lekuetara joan beharra dago». Agian, ikus-entzunezko eduki espezifikoak ekoitzi beharko genituzke, nahieran eta modu tradizionalean pantailaratzeko. Gazteak eta ez hain gazteak asebetetzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna