Albistea entzun

EKOGRAFIAK

Pantaila gaztea

Amaia Garcia -

2022ko urriak 6

Pelikula horrek itxura ona dauka, baina euskaraz ikusteko aukera ez dakit edukiko dugun». Donostiako taberna batean entzun nuen esaldia, eta pena handia eman zidan entzun izanak. Donostiako Zinemaldiaren astean gertatu zen, eta, bertan egon zen euskal eskaintza aztertuz, oso ulergarria izan zen esaldi hori entzutea.

Euskaldunok askotan amore eman dugu ikus-entzunezko edukiak euskaraz ikusteko aukeraren bila. Gazteek ere zailtasun handiak dituzte eduki horiek lortzeko.

Uemako herrietako ikasleen arteko inkestaren datuek argi adierazi dute gaztelaniazko edukiak errazagoak dituztela eskura euskarazkoak baino. Gazteek entretenimendua nahi dute, eta, euskara haien lehen hizkuntza baldin bada ere, gaztelaniazko edukiak eskuragarriagoak dituzte sakelakoetan eta telebistetan.

Plataforma handiei bikoizketak, azpidatziak eta edukiak eskatzeaz gain, gazteentzako edukiak aztertu behar dira. ETB erakargarriagoa egin behar da beraientzat. Uemako inkestak dioenaren arabera, Lehen Hezkuntzako ikasleen artean Clan katea gehiago ikusten da ETB3 baino. ETB3 katean emititzen diren marrazki bizidun gehienek urte ugari dituzte. Besteak beste, Doraemon ikusgai dago eguneko ordu desberdinetan. Doraemon-en zale eta nostalgikoa naiz, baina uste dut katu kosmiko maitagarria ez dagoela modan. 1990eko hamarkadan arrakasta izan zuen hark interes gutxi pizten die egungo gazteei.

Ikus-entzunezkoak ikusteko bideak handitu dira, eta gazteenek Interneten bilatzen dute gehien gogoko duten edukia. Askok Youtuben bideoak ikusten dituzte, eta bertan euskal influencer gutxi daude. Sare sozialetan euskarazko edukiak aurkitzeko ardura denona da, azken finean sareak guk elikatzen ditugulako. Gazteak Youtuberako edukiak igotzen ditu, baina bistaratzeak ez dira hainbestekoak. Azken bi hilabeteetako edukien artean, Zulora saioaren bigarren denboraldiaren hasiera izan da arrakasta gehien izan duena. Bestalde, Donostiako Zinemaldian Ibon Fernandezek aurkeztu zuen Twitcheko saioen grabaketak gutxi ikusi dira.

Euskal gazteak gure hizkuntzaren etorkizun dira eta haien egunerokoan euskal edukiak ikusten ez badituzte, hizkuntzaren bilakaera zaila izan dezakegu. Pantaila gaztea aldarrikatzeko unea iritsi da.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Gaizka Izagirre eta Beñat Rodriguez ©'Gaztezulo'

Beste 100 kanta marraztu ditu Olrait Studiok

Urtzi Urkizu

Kantu eskukadak II liburua argitaratu dute Gaztezulo aldizkariak eta Olrait Estudiok. Badok-ek ere babestu du proiektua, playlista sortuz.

Larra-Belagua eski estazioa ©Larra-Belagua

Iritsi da eski denboraldia

Isabel Jaurena

Larra-Belagua eta Arette eski estazioak bisitariak hartzeko prest egonen dira bihartik aurrera.

Mahai inguruko partaideak, atzo, EHUren Leioako campusean. ©MONIKA DEL VALLE / FOKU

Euskararen xehetasunak

Amaia Igartua Aristondo

EHUko irakasleak dira, atzerritarrak, eta helduaroan euskaldunduak, lanagatik besteak beste. Euskara ikastearen esperientzia xehatu dute EHUk antolatutako solasaldi batean.
Joseba Ezkurdia eta Jokin Altuna, Lau eta Erdiko Txapelketako finalean, azaroaren 20an. ©ARITZ LOIOLA / FOKU

ETB2k %7,7ko ikusle kuota izan du azaroan, 2019ko udatik txikiena

Urtzi Urkizu

ETB1ek %1,9ko batezbestekoa du; lau eta erdiko finalak %24,5eko ikusle kuota lortu zuen

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.