Albistea entzun

Gipuzkoan hiru sexu eraso egin izana ukatu du auzipetu batek

Akusatuak esan du Errumanian zegoela sexu erasoak gertatzean. 12 eta 9 urteko bi zigor ezarriak ditu aurretik beste bi bortxaketengatik
Sexu erasoa salatzeko protesta Tolosan, 2013an.
Sexu erasoa salatzeko protesta Tolosan, 2013an. GORKA RUBIO / FOKU Tamaina handiagoan ikusi

Iñaut Matauko Rada -

2022ko irailak 20

Donostian gizon bat epaitzen hasi ziren atzo Gipuzkoako Auzitegiko Hirugarren Atalean, hiru sexu eraso egiteagatik, Tolosan, Anoetan eta Andoainen. Akusatuak bere abokatuaren galderei bakarrik erantzun die, eta ukatu egin ditu egozten dizkioten delitu guztiak. Izan ere, gizonak esan du egotzi dizkioten sexu erasoak gertatu zirenean Errumanian zegoela bere ama bisitatzen. Joan den urtarrilean epaitu zuten Beasainen eta Lasarte-Orian (Gipuzkoa) bi emakume bortxatzeagatik, eta 12 eta 9 urteko bi zigor ezarri zizkioten. Zaballan (Araba) dago preso.

2012 eta 2013 bitartean gertatu ziren leporatzen dizkioten sexu erasoak. Bi emakume bortxatzen saiatzea eta bortxaketa bat egozten diote, eta biktimen defentsak 29 urteko kartzela zigorra eskatu du auzipetuarentzat; fiskaltzak, berriz, 28 urtekoa.

Salatzaileek diotenez, hiru erasoak abuztuan eta irailean jazo ziren; gizonak, berriz, esan du ezinezkoa dela berak egin izana, urtero hilabete horietan Errumanian egoten delako ama bisitatzen, eta gehitu du garai horretan Gipuzkoan zegoen bere familiakide bakarra bere anaia zela. Hala ere, hiru kasuetan auzipetuaren DNA arrastoak azaldu dira. Biktimen abokatuak, Clara Campoamor elkarteko Cristina Ramosek, adierazi du froga horiek garbi uzten dutela bera izan zela erasotzailea, eta auzipetuaren eta bere defentsaren estrategia aldaketa «harrigarria» dela.

Izan ere, joan den urtarrilean epaitu zuten gizon bera Beasainen eta Lasarte-Orian (Gipuzkoa) bi emakume bortxatzeagatik, eta 12 eta 9 urteko bi zigor ezarri zizkioten. Epaiketa horretan erasoak egin izana onartu zuen gizonak, baina adierazi zuen ez zela horretaz gogoratzen, alkohol eta droga kontsumoagatik.

Sexu erasoa Iruñean

Iruñeko Udaltzaingoa larunbat gauean izandako sexu eraso bat ikertzen ari da, Iruñeko Udalak adierazi duenaren arabera. Udaleko talde politiko guztiek aho batez gaitzetsi dute erasoa, eta «erabateko babesa» adierazi diote biktimari, baita bere inguruari ere.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Bingen Zupiria Eusko Jaurlaritzako bozeramailea gaurko prentsaurrekoan ©Irekia

Zupiriak esan du Osakidetzaren lan ildoarekin «erresistentzia» agertzeagatik izan direla kargugabetzeak

Edurne Begiristain

Gotzone Sagarduik Eusko Legebiltzarrean agerraldia eskatu du, Donostialdeko ESIaren egoera azaltzeko.

Donostiako ospitalaren atarian gaur goizean egindako protesta bilkura ©Javier Etxezarreta / Efe

Donostia ospitaleko 150 langile inguru batu dira gaur ESIko zerbitzuburuen elkarretaratzera

Edurne Begiristain

Osakidetzaren eta Eusko Jaurlaritzaren kudeaketa salatzeko protesta bilkura jendetsua egin dute goizean ospitaleko atarian. ESIko zerbitzuburuek arratsaldean eskainiko dute prentsaurrekoa.

Aranzadi zientzia elkartea desobiratze lanetan, Urduñako hilerrian ©Irekia

Urduñako espetxe frankistako hogeita hamar presoren gorpuzkiak aurkitu dituzte herriko hilerrian

Berria

Aranzadi zientzia elkartea ari da desobiratze lanetan. Gogora Institutua biktimen senideekin harremanetan jarri da.

Senperen izandako atxiloketak salatzeko manifestazioa, ekainean. ©Guillaume Fauveau

Senpertar gazte bat Paueko polizia etxera eraman dute etxe agentzietako pintaketen harira

Berria

Senpereko gazte bat Baionako polizia etxera konbokatu dute goizean, eta handik Pauera eraman dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.