Europak ez du erreskate ontzi bat ere izango Mediterraneoan

Europako Batasunak Sophia operazioa sei hilabetez luzatu du, baina praktikan airez baino ez du ikuskatuko migratzaileen zeharkaldia
SANTI DONAIRE / EFE

Kristina Berasain Tristan -

2019ko martxoak 28

Mediterraneoan gertatzen ari den dramari ez ikusiarena egiten ari zaizkio estatu kideak; izan ere, iheslarien zeharkaldia lekukorik gabe dago, eta aurrerantzean ez da egongo erreskateak egiteko ontzi bakar bat ere itsasoan. Europako Batasunak Sophia operazioa beste sei hilabetez luzatzea erabaki du, baina praktikan airez baino ez du ikuskatuko itsasoa.

Abenduan, orduan ere in extremis, hiru hilabetez luzatu zuten heldu den igandean amaitzekoa zen misioa, eta atzo, bi eguneko atzerapenarekin, erabaki lauso bezain hutsala hartu zuten. Maja Kocijancic EBko Atzerri gaietarako bozeramaileak berak ezbaian jarri du estatu kideek operazioa moldatzeko hartutako erabakia: «Sophia operazioa itsas operazio bat da, eta ontzirik gabe ezingo du mandatua eraginkortasunez bete, baina hori da estatu kideek hartu duten erabakia». Erabakia «behin-behinekoa» dela zehaztu du Kocijancicek.

Ontziak lehorreratzeko porturik ez izatean dago korapiloa. Matteo Salvini Italiako Barne ministroak porturatzeko debekua ezarri die erreskateak egiten dituzten ontziei, eta estatu kideak ez daude prest erreskatatutako migratzaileak banatzeko.

Misio polemikoa

Sophia operazioa 2015ean jarri zuten martxan, berez pertsonekin trafikatzen duten mafiak eragozteko, eta, urteotan eraginkortasun mugatua izan badu ere —44.916 lagun erreskatatu ditu—, duela bi urte hartutako neurri polemiko batek eragin zituen kritika zorrotzenak. Misioak Libiako kostazainak trebatzeari ekin zion, nahiz eta ordurako gobernuz kanpoko hainbat erakundek ohartarazia zuten herrialde hartan ez zirela immigranteen giza eskubideak errespetatzen. Kostazainen jarrera ere auzitan zegoen; izan ere, behin baino gehiagotan trabatu zituzten gobernuz kanpoko ontzien erreskateak.

Egun, Mediterraneoan ez dago gobernuz kanpoko ontzirik ere. Eta hilen zerrenda luzatuz doa. Italiara eta Lesbosera heldu asmo zuten bi ontzi hondoratu eta lau emakume eta haur bat hil ziren atzo. Beste zazpi lagun desagertuta daude.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©PEDRO PUENTE HOYOS / EFE

«'Pandemiaren urteak', esan nuen. Urteak izango direlakoan: urteak»

Arantxa Iraola

Aurrera urratsa egin, eta hedabideetan naro-naro dabilen zientzialarietako bat da Del Val; txertoa lortzeko prozesuak oso azkar doazela onartu du, baina uste du une aski zailak eragin ditzakeela oraino ere izurriak.

 ©Juan Carlos Ruiz / Foku

COVID-19ak hiru hildako utzi ditu Nafarroan

Berria

13.012 PCR egin dituzte Hego Euskal Herrian, eta horietatik 842k positibo eman dute. 

Protesta bat Gasteizen. ©E.PORTILLO/ FOKU

Arabako zahar etxeak ere, grebara

Erredakzioa

Hiru lanuzte egingo ditute, ELAk, LABek, UGTk eta CCOOk deituta, «prekarizazioa» salatzeko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna