Tikhanovskaia atxilotzeko agindu du Bielorrusiak

Herrialdearen segurtasuna «arriskuan» jartzea egozten diote oposizioko buruari. Errusiak ere hura atxilotzeko agindua eman du
Svetlana Tikhanovskaia, Bratislavan, Eslovakian.
Svetlana Tikhanovskaia, Bratislavan, Eslovakian. JAKUB GAVLAK / EFE Tamaina handiagoan ikusi

Arantxa Elizegi Egilegor -

2020ko urriak 17

Abuztuko presidentetzarako bozetan Bielorrusiako oposizioaren hautagai izan zen Svetlana Tikhanovskaia atxilotzeko agindua eman zuten atzo Minskek eta Moskuk, «ordena konstituzionala arriskuan» jartzea egotzita. Bozak egin eta gutxira, Lituaniara ihes egin zuen Tikhanovskaiak, eta han dago oraindik ere. Baina atxilotze agindua indarrean dela Bielorrusiara edo Errusiara sartzen bada, atxilotu egingo dute, eta bost urtera arteko kartzela zigorra ezarri.

Lituaniara ihes egin zuenetik, EB Europako Batasuneko buruzagiekin eta nazioarteko ordezkariekin bildu da Tikhanovskaia, babes bila; atzo bertan Kanadako Atzerri ministro François-Philippe Champagnerekin bildu zen. Horretaz gain, eta oposizioko buruzagi guztiak atxilo edo erbestean dauden arren, Bielorrusian asteburuero egiten dituzte Aleksandr Lukaxenko presidentearen aurkako manifestazioak. Aste honetan, baina, oposizioak urrats bat gehiago egin du, eta ohartarazi dio Lukaxenkoren gobernuari, urriaren 25a baino lehen dimisioa ematen ez badu, greba orokorrerako deia egingo dutela egun horretarako.

Tikhanovskaiaren bozeramaile Anna Krasulinaren esanetan, jakina da Lukaxenkok «legez besteko tresnak» baliatu dituela botereari eusteko: «Inor ez zen harritu bozetan iruzurra egin zuenean. Lukaxenkorengandik espero zitekeen zerbait zen».

Atxiloketak

Bielorrusiako iturri ofizialek zenbaki zehatzik eman ez badute ere, oposizioaren arabera, 13.000 manifestari atxilotu dituzte abuztuan protestak hasi zituztenetik. Atxilotuetako askok soilik ordu batzuk egin dituzte preso, baina tarte horretan tratu txarrak jasan dituztela salatu dute gehienek.

Joan den igandeko manifestazioetan, esaterako, 713 lagun atxilotu zituzten, eta gobernuak ohartarazi zuen aurrerantzean «benetako jaurtigaiak» erabiliko zituela protestarien aurka. Barne Ministerioak iragarri zuen segurtasun indarrek «kaleak zaintzen» jarraituko dutela, eta «behar izanez gero» indarra baliatuko zutela manifestarien aurka.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Baionako ostatu bat, uztailean. ©Bob Edme

Ostatuak 22:00etan itxi beharko dituzte Ipar Euskal Herrian

Maddi Ane Txoperena Iribarren

Eric Spitz Pirinio Atlantikoetako prefetak neurri berriak iragarri ditu. Ostatuek ezinen dute eramateko alkoholik saldu 22:00etatik aitzina, eta karrikan ezinen da alkoholik edan 22:00etatik 08:00etara. Bezeroen erregistro bat egin beharko dute ostalariek. Ortzegunean jarriko dituzte neurriak indarrean, hamabortz egunerako, gutienez.

Bilboko taberna bat, edukiera murriztuta. ©Jaizki Fontaneda / Foku

Ostalarientzako diru laguntzak eskatu ditu EH Bilduk

Erredakzioa

Sektorea erreskatatzeko plan bat aurkeztu du koalizioak: Eusko Legebiltzarreko osoko bilkurara eramango du.

Ostalariek protesta egin dute gaur Nafarroako Gobernuaren aurrean. ©IÑIGO URIZ / FOKU

Nafarroako ostalariak, itxieraren kontra: «Sektorea kriminalizatzen ari dira»

Ion Orzaiz

Tabernak eta jatetxeak «seguruak» direla adierazi du Nafarroako Ostalaritza eta Turismo Elkarteak. Elkarretaratzeak eginen dituzte ostegunetik aurrera

Udal langileak Azkoienen, kalea garbitzen. / ©Idoia Zabaleta, Foku

Gipuzkoak 100.000 biztanleko 500 positiboren langa gainditu du

Arantxa Iraola-Irati Urdalleta Lete

Hego Euskal Herrian egin dituzten testen %9,2k eman zuten atzo positibo. Eusko Jaurlaritzak ez du «ezer» baztertzen, baina, oraingoz, konfinamenduak eta etxeratze agindua ez daude mahai gainean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna