Albistea entzun

BI TARTE

Hitzak botere

Ane Labaka Mayoz, Mariñe Arbeo Astigarraga - Txakur gorria

2022ko azaroak 27

Bertikala podkastaren lehen ataletako batek lodifobia du ardatz. Gaiari buruzkoak aletzen ari direlarik, honakoa galdetzen dio Sarak Laurari: Eta zu, noiz konturatu zinen lodia zinela? Esan egin zidaten, erantzuten du Laurak orduan. Komunikatu egin zitzaizun, azpimarratzen du Sarak irriz. Zazpi-zortzi urte inguru zituela entzun zuen gorda hura aurrenekoz, irakasleren baten aginduz korrika ari zela, eskolan bertan. Hasieran zalantza egin zuen oihua berari zuzendua ote zen ere, eta gelditu egin zen. Inguruko guztiak berari begira barrezka ari zirela baieztatzean bihurtu zitzaizkion susmoak egia. Lodi hitzak egin zuen lodi.

Zer pentsatua eman zidan Laurak kontatu zuenak eta, beste askotan ohi dudan legez, mugikorrean behinola neure buruarekin sortutako taldean apuntatu nuen ohar gisa. Handik hilabete batzuetara, Emaginek antolatutako (Ez)Amatasunak Ikuspegi Feministatik jardunaldiek itzularazi ninduten orduan idatzitakora. Hain zuzen ere, D'embarassos, maternatges i masculinitats izeneko erakusketa abiapuntu hartuta, haurrak ez-bitartasunean hazteko ahaleginaz jardun diren, besteak beste, Gràcia Camps Miró, Maider Beristain eta Leire L. Ziluaga. Bereziki interesgarria suertatu zitzaidan beraien arteko solasaldia, eta asko eskertu nuen ideiarik abstraktuenak izan daitezkeenak egunerokotasuneko praktiketara ekarrarazteko saiakera.

Giro goxoa sortu zuten, eta horretxek ahalbidetu zuen entzuten ari ginenon parte hartzea. Emakume batek duela ez horrenbeste parkean bizitako pasadizoa partekatu nahi izan zuen besteokin. Heldu batek zera galdetu omen zion behin haurdun zegoen beste bati bere aurrean: Zuena zer da, neska ala mutila? Ez dakigu, erantzun omen zuen haurdunak. Irteten denean jakingo duzue, atzera lehengo helduak. Une hartara arte helduen elkarrizketari adi isilik zetzan haurrak hartu omen zuen hitza orduan: Ez, ez dute jaiotzen denean jakingo. Haurrak oraindik ez du hitz egingo, eta nola erantzungo du ba?

Irribarrea marraztu zitzaigun ezpainetan. Parkeko pasartea Lauraren eskolakoarekin lotu nuen nik, ezinbestean. Enegarrenez ondorioztatu ahal izan genuen botereak hitzak darabiltzala, izendatzeaz haratago, mundua nahieran eraikitzeko ere. Eraikitze horretan, kanpotik ezartzen zaizkigu sarri etiketarik pisuenak. Kontrara, baina, ez dakit horren jakitun garen hitzak guk geuk darabiltzagunean izan dezakegun botereaz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Gaiak

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.