Duela 83 urte desagerrarazitakoen bila

1936ko kolpe militarraren beste hamasei biktimaren gorpuzkiak berreskuratu ditu Aranzadi zientzia elkarteak Nafarroan: Ollakarizketan, Txulapain ibarrean, Iruñetik hamabi kilometrora. Herritar batek emandako informazioari esker aurkitu dute hobia. Atzo eta gaur arituko dira lanean, eta 150 ikasleren bisita jasoko dute: biktimen senideek eta talde memorialistetako kideek azalpenak emango dizkiete. 2015etik 2019ra, hogei hobi eta 85 gorpuzki multzo aurkitu dituzte, Nafarroako Gobernuaren Giza Eskubideen Zuzendaritzak lagunduta.