Noiz sortua: 2019-12-24 00:30:00

JIRA

Nork sinatua

Angel Erro -

2019ko abenduak 24

Zentsuratuak izan aurretik planifikatu baino mila lagun gehiago igandean bildu izana notizia pozgarria da. Justizia poetikoa. Baina nik poz handiagoa hartuko dut justizia justiziazkoa eginen den egunean. Ion Orzaizi leitu diogu Iruñeko alkatearen erabakiaren kontra prebarikazio salaketa jartzeko bidea ikertzen ari direla pailazoak. Horrek, zuzenbide administratibokoa gabe, auzi penala irekiko luke. Ez da txantxa. Nafarroako Kontseiluak (aholku batzorde gorenak) ez du balizko irregulartasunik ikusi, eta alkateak berak nahiko argi utzi zuen eragozpen ideologikoak zituela. Orzaizek larunbateko bere analisian galdera egiten zuen nork ote duen Pirritx, Porrotx eta Marimototsen kontratua eteteko agindua sinatu (udalak ez du oraindik publiko egin) eta nork hartuko duen bere gain erabakia; kultura zinegotziak, teknikari batek, alkateak berak?

Gonzalo Boye abokatuak ere iradoki du Puigdemont, Junqueras eta Comin eurodiputatuen eskubideak urratzearen erantzule togadunak auzipetzeko aukera. Prebarikazioz, suposatzen dut. Eta berak ere galdera egiten du zergatik ez zuen Hauteskunde Batzorde Nagusiaren presidenteak eurodiputatu hautatuen zerrenda osatugabearen agiria sinatu. Bueltan etorri ahal zaienaren beldur?

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Hauteskunde Batzordeak bihar aztertuko du Ordiziako egoera

Hauteskunde Batzordeak bihar aztertuko du Ordiziako egoera

Arantxa Iraola - Jon Ordoñez Garmendia

Ordiziako positiboekin lotutako 48 kasu zenbatu dituzte dagoeneko. Maskara erabiltzea nahitaezkoa izango da Gipuzkoako herri horretan, eta tabernetako jarduna mugatu egingo dute. Beste taberna bat itxi dute, langile batek «positibo ahula» eman duela eta.

PCR probak egiten, aste honetan, Ordizian. ©JON URBE / FOKU

Maiatzaren 20tik ez zen hain datu txarrik positibo berrietan

Mikel P. Ansa

Hego Euskal Herrian azkeneko 24 orduetan 35 kasu positibo berri agertu dira PCR probak eginda. Maiatzaren 20an 31 kasu izan ziren, eta hilabete eta erdian ez da hain emaitza txarrik izan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna