Albistea entzun

JIRA

Iraultza txikiak

Angel Erro -

2021eko irailak 3

Interesez leitu dut Iraultza Txikien Akanpada delakoaz Argia aldizkariak egin duen kronika, iraultza txiki horiek zeintzuk izan daitezkeen eta zertan dautzan jakiteko minez. Garai batean Iraultza Handia izaten zen (duda gutxi zein zen eta zertan zetzan), baina garai nahasiak eta atomizatzaileak dira hauek eta moldatu behar.

Estropezu egin dut sendabelarrei buruzko hitzaldiaren laburpenean (Belarrekin nola esperimentatu eta modu autogestionatuan ikasi, jakintza herrikoia baliatuz industria farmazeutikoarekiko menpekotasunetik askatzeko). Antza, COVID-19a bezalakoen aurkako babesa eman dezakeen infusio batez ere jardun dute. Neure buruari galdetu diot magufismora eramaten ote duen iraultza txiki horietako batek. Horrelako seinale gehiago ikusi ditut hainbatengan. Ezin nik bide horri jarraitu, jaio nintzenetik industria farmazeutikoaren menpekoa naizen aldetik. Ez dut gustuko, baina XX. mendeko zientzia medikoak nire bizi itxaropena hirukoiztu edo laukoiztu du.

Analgesikoak (demagun) esplotazio katearen olioztatzaileetako bat izan daitezke, baina mina ere kentzen dute. Ez dakit azaltzen naizen. Osasun arazo larririk gabekoek bakarrik parte hartu dezaketen iraultza nahitaez izanen da, bai, txikia.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...