Albistea entzun

JIRA

Kalkuluak

Angel Erro -

2021eko apirilak 8

Gogoan dut txikitan kalkulatzen genuela zenbat urte izanen genituen mende berrian sartzean. Oso urruti iruditzen zitzaizkigun emaitza eta 2001. Orduz geroztik nire adinari uzten diot urtero harritu nazala kopuru berri batekin, nik ezer aurreratu gabe. Halere, haurtzaroko kalkulu bera errepikatu behar izan dut Vladimir Putinek atzo sinatutakoa bere tamaina guztian ulertzeko. Errusiako lehendakaritzan 2036ra arte jarraitzeko lege aldaketa egin du. Lehenago ere egina zuen. Luzapen berriarekin, 58 urte izanen ditut Putinek (baldin eta berriro gauza bera egiten ez badu edo ortodoxoen jainkoak bere ondora deitzen ez badu) agintea uzterako. Putinek berak, 84. Gazte, autokrata batentzat.

Ohartu naiz, nik hemen bezala, berria ikusi dudan toki guztietan ez dutela ahalezkotzat jotzen. Esaten dute Putinek 2036ra arte presidente jarraitzeko legea sinatu duela. Gutxi gorabehera. Ez balitekeela. Edo hautagaia izateko aukera izanen duela. Inork ez du galtzerik irudikatzen.

Ez da harritzekoa, albistegi berean Alexei Navalni aurkaria (lehenago pozoitu eta gero espetxeratua) gaixotu eta bere medikua atxilotu dutelako notizia eman dutelako. Berak ere bere kalkuluak eginen ditu, laburragoak, kartzelatik bizirik ateratzeko aukerez.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna