Albistea entzun

JIRA

Sinadurak

Angel Erro -

2022ko azaroak 17

Egileak sinatu bi liburu baino ez ditut. Ez da guztiz egia. Idazleek maite dutelako bere liburuak sinatzea, eta lagunei eskainita oparitzea. Horrek bi arrazoi ditu: lagunek, gero, opari eman ez diezaioten beste inori, eta, bigarren eskuko liburu denda batean topatuz gero, bere etxeko Parnasotik nork kanporatu duen identifikatzea. Beraz, bi liburu sinatu baino gehiago ditut. Baina nik berariaz sinatzeko eskatuta bi baino ez. Berez, lehen sinadurarekin erabaki nuen ez niola gehiagotan beste inori bere liburua sinatzeko eskatuko. Bigarrena erruki ekintza izan zen, Durangon.

Pasadizoaz gogoratu naiz atzo Jose Saramagoren jaiotzaren mendeurrena zelako. Bera izan zen nire lehen eta ia azken liburu sinatzailea.

Bilbora espresuki joan nintzen Lisboako setioaren historia aurkeztu ondoren Arriaga antzokian eman beharreko hitzaldira. Arriagaren parean zain egon nintzen noiz agertuko, berari luzatzeko bere orduko azken liburuaren jatorrizko ale bat. Euskal gaztetxo batek portugesez leitzeak ez bide zuen gehiegi inpresionatu. Purrustada batez uko egin zion sinatzeari. Pilar emaztea nire alde agertu zen eta zerbait idatzi zidan. Jarraitu nion leitzen, jakina, idazteari utzi zion arte. Idazleen sinpatian ez dut inoiz sinetsi.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.