JIRA

Salbuespenak

2023ko otsailak 9

Lurrikarak eragin dituen hildakoen eta zaurituen kopurua gora doa egunetik egunera, ordutik ordura. Eta horren berri ematen dute, egunez egun, orduz ordu, albistegiek. Estatistikoki kasuen gutxiengo nabarmena bada ere, aurkezleek maite dute ezbeharren notizia segidetako azkena itxaropentsua izatea; hondakinen artean erreskatatutako norbaiten irudiarekin amaitzea maite dute, eta ume txiki batenarekin bada, askoz hobe. Seguruenik jarrera gizatiarrena da, egoera ilunenean ere argi izpia bilatu nahi izatea, heriotzaren grabitazio indarraren aurrean bizitzak bidea urratzen duela sinestea. Salbuespenak maite ditugu, bestizenez mirariak.

Halako ezbeharren berri telebistan ikusi eta lehen bulkada ere lagundu nahi izatearena da. Dirua, burusiak, elikagaiak hara igortzeko telefonoak eta bilguneak ugaltzen dira. Munduko gobernuek ere lan hori eginen dute, borondate ona baina alferra dutenen izenean, horiez gain suhiltzaile edo sendagile taldeak ere hara bidalita.

Baina horretan ere salbuespenak daude. Turkiarekin batera lurrikara nozitu duen Siriaren gaineko blokeo ekonomikoa ez du lurrikararen larritasunak altxaraziko. Salbuespenek ere muga dutelako. Benetan miragarria kontrakoa litzateke.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut