Albistea entzun

JIRA

Bezero programatuak

Angel Erro -

2019ko ekainak 19

Ordenagailu berri batetik ari natzaizue. Aurrekoari teklatua hondatu zitzaion egun batetik bestera. Zaharra zela esanez aurkitu dut zuriketan neure burua. Atzerako kontua egin, eta ez zen hain zaharra ere. Garantia epea nekez gainditzen dute orain gailu gehienek. Lagunekin hortaz hitz egin dut. «Gero eta sinetsiago nago gauzak hondatzeko egiten dituztela». Zaharkitzapen programatuaz ari gara. Frantzian kartzelaz zigortzen hasi direla. Gehienok ez dugu salaketa helburu, garantia aurkitzearekin aski. Eta geure burua ez engainatzearekin.

Ordenagailu eramangarri berri batetik ari naiz. Ez duzue alderik topatuko. Nik ere ez. Horrek harritu nau. Bost minututan ohitu naiz berrira. Garai batean, pentsaezina. Gero eta trauma gutxiago eragiten du zeraz aldatu beharrak. Konektatu, ia berez sinkronizatzen dira aurretiko datuak. Uste zenuen ordenagailuan zenituela zure gauzak, baina gehienak aplikazioetan dira, hodeian, sisteman. Pasahitza ahaztu baduzu ere, ez du axola. Ez dakit nola, nire testu prozesadorearen izkinatxo batean nire izena dager. Ordaindutako fakturak arinago ematen du horrela.

Trepeta elektronikoen zaharkitzapen programatuaz ari gara, baina beldur naiz ez ote garen gu programatzen ari direnak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.