JIRA

Salaketa auzian

Angel Erro -

2019ko irailak 18
Giza eskubideetan ikerketak egindako unibertsitate irakasle batek, Kataluniako kartzeletan torturatzen ote den galderaren aurrean, baiezkoa eman (txostenetan inoiz jaso izan dutenez) eta sindikatu batek salaketa jarri dio. Ez Espainiako Kartzela Sistema kudeatzen den erakundeari. Iñaki Rivera unibertsitate irakasleari. Funtzionarioen ohorea gordetzearren, antza. Mozal legearen nolabaiteko segida logikoa da. Erregimen baten demokrazia kalitatea baxua denean, kalitate demokratikoa auzian jartzea izaten da jazarritako lehena. Epaile batek unibertsitate irakasle horren kontrako salaketa onartu du, kalumniaren delitupean. Horrelakoei ohituta gaudenez, ez diogu erreparatzen larritasunari. Orain gutxi Andreu Navarra izeneko irakasle batek liburu bat atera du (Debaluazio jarraitua), hezkuntza sistemaren gainbeheraren inguruan, eta hainbat elkarrizketa ematen ari da, non, esaterako, ikasle asko lau lerroko testu bat ulertzeko gauza ez direla adierazi duen. Analogiaz, epaile batek onartu beharko luke ikasle sindikatu batek haren kontra jarritako salaketa.

Azken helburua argi dago. Bidegabekeriak salatzea zaildu, zer eta salaketa bat jasotzeko beldurra areagotuta. Izena du horrek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna