Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

JIRA

Mikrotik

Angel Erro -

2019ko ekainak 6

Intsumisioaren mugimenduari buruzko 2 urte, 4 hilabete dokumentala egiteko diru funtsak lortu diren egun berean, mikromezenasgoaren baliabidera jotzen ari den beste dokumental baten berri izan dut; bigarrena Euskal Herriko Bakearen Aldeko Koordinakundeari buruzkoa (erdal izenaz ezagunagoa: Gesto por la Paz) izanen da, dirua lortzera. Ezinbestean lotu ditut biak eta aldi berean baita bi mugimenduak ere. Aurka eginen dit baten batek, baina funtsean ez ziren elkarren hain ezberdinak izan.

Garai bateko erretratua osatzera datoz biak, 80ko hamarraldi amaieran abiatzen dena. Biek, antza denez, behetik sortutako gogoratu nahia azaleratzen dute. Eta argi dago orain dela horretarako une egokia. Hau bezalako lan gehiago beharko genituzke. Memoria ariketa egin beharra dugulako. Ez dugu denok guztietan dirua zertan jarri (erakundeek bai jokatu beharko lukete eskuzabal, eta denon dirua horretara ere bideratu), baina bai saiatu beharko genuke guztiok ikusten, guztiok pozten horrelako ekimenen aurrean. Datozela gehiago. Ahalik eta kalitate handikoenak. Ahaztu gabe lekukotasunak (ahalik eta zokoratuenak) eta haiek zabaltzea dela muntakoa. Bigarrenak diru funtsa lortuko duen egun berean hirugarren baten berri izanen ahal dugu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.