Albistea entzun

JIRA

Kontzientzia

Angel Erro -

2021eko irailak 24

Ni inoiz ezkontzekotan gizon batekin eginen dudanez, aski lehen pertsonan irakurri dut Joseph Ratzinger ustezko aitasantu ohiak esana: sexu berekoen arteko ezkontza kontzientziaren deformazio edo desitxuratzea dela. Horren aurrean kontzientziako etsamina egitea beste biderik ez zait gelditu, auto-ebaluazioan gehiegi sinetsi ez arren. Gainditu dut, ozta-ozta. Emaitza: bi gizon elkarren artean ezkontzeko kontzientzia eragozpenik ez.

Kontzientziarena gai korapilatsua da. Aste honetan jakin dugu Madrilgo ospitale batean emakume bati bertako medikuek ez diotela abortua egin nahi izan, hau terapeutikoa izanda ere (hots, haurdunaldi ez bideragarria zen eta amarentzat osasun arriskua zekarren), guztiak kontzientzia-eragozleak zirelako. Notiziak bazterrak harrotu ditu eta politikariek adierazpenak egiteari ekin diote. Montero ministroak, esaterako, kontzientzia-objekzioa arautu beharko litzatekeela defendatu du, horrelakoak berriz gerta ez daitezen.

Gehiegizko txilinbuelta izan daiteke, baina kontzientziak, beste askotan bezala, Nafarroara eraman nau. Medikuen kontzientzia (edo, demagun, ezgaitasun linguistikoa) ezin da eragozpen izan, pazienteak bere eskubideak bermatuak izan ditzan. Administrazioaren ardura da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.