Albistea entzun

JIRA

Publikoaren alde

Angel Erro -

2022ko ekainak 22

EAEko hezkuntza ituna EAJk, EH Bilduk, PSEk eta Podemos-Ahal Duguk hitzartu eta babestu dute. Parlamentuko arkuaren %90ak. Horrek ez du saihesten Ikoitz Arrese parlamentariak akordioa desestabilizatu nahi duten sektore politiko eta mediatikoak daudela salatzea. Hitzarmenak EAEko gizartearen gehiengoaren borondatea biltzen duela sinetsita dagoenari nekez entzunen zitzaizkion horrelako adierazpen ia konspiranoikoak. Beharbada kritikarekin kritiko agertzen direnek kalkulatuko zuten eskola publikoaren alde (gehiago egin beharko zutelakoan) daudenak nekez izan daitezkeela euskal gizartearen osterantzeko %10a eta nekez ordezka dezaketela akordioaren kanpo gelditu direnek.

Agian azaldu beharko ligukete, zerbitzu publikoen aldeko borroka fronte askotakoan, zergatik hezkuntzak izan behar duen salbuespen. Niri bururatzen zait arrazoi bat edo beste, baina halakorik ez dut entzuten baliatzen diren argudioen artean.

Osasun publikoaren alde bazaude, esaterako, osasun aseguru pribatuei soka emanen zenieke (gaixoak denon diruaz deribatuta, zeina kontzertazioen baliokidea izan baitaiteke) dena delako asurantza mediku pribatuan euskarazko arreta osoa eskaintzen dizutelako, zerbitzu hura sare publikoan bermatzeko lehiatu beharrean?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...