Albistea entzun

JIRA

Gainera datorkiguna

Angel Erro -

2022ko urtarrilak 18

Pentsamendu kontrajarriak izaten ditut pandemiaren lan karga eskergan laguntzeko-edo, mediku edo erizain jubilatuak batzen zaizkiela soldatapekoei. Zer aditz erabili ere ez dakit argi. Kontratatu dituztela esan daiteke? Esanen nuke hedabideetan hitz hori saihesten dutela. Beharbada boluntariotzara hurbiltzen delako areago haien jarduna. Eta horretan ere pentsamendu kontrajarriak izaten ditut tarteka. Horregatik zutabe kontaesankorra idaztera etsi beharko dut.

Alde batetik, ederra da garai zailetan edo, nahiago badugu, salbuespenezko egoeretan, lan egiteari utzi dion jendea laguntza emateko prest dagoela ikustea. Baina gauden garai zail hauek edo, nahiago badugu, salbuespenezko egoera hau, ez da atzo goizekoa, ez da dagoeneko hain salbuespenezkoa, eta jubilatuetara jo behar izateak prebisio falta lazgarria adierazten du. Baina zaharrak erreusak ez direla gogoratzeko balio digu, askotan ahazten zaigu eta. Baina gazte jende asko dago, ongi formatua gehienetan, lan merkatura sartu ezina, bizitza duintasunez aurrera atera ahal izateko atarian luzeegi. Gainera, honek tarteka ematen du jubilazio epea gero eta beranduago jartzearen halako zabalpen kanpaina bat, onartzen has gaitezen datorkiguna gainera?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...