Noiz sortua: 2019-01-18 00:30:00

JIRA

Lan izpiritua

Angel Erro -

2019ko urtarrilak 18

Txantxa badirudi ere, izen bereko lurrina salgai jarri dute. Lurrin dotoreei dagokien moduan frantsesez: Spirit de travail. Berri faltsu horietakoa ez bada, behintzat. Ni sinesteko prest nago. Ez da lan eremutik heldu den notizia harrigarriena, ez iraingarriena ere, langileekiko. Interneten bilatu dut, idaztera jarri baino lehen egiaztatzeko, eta salneurria ere aurkitu dut, hamabost euro (zehaztasunak sinesgarriagoak egiten ditu istorioak) eta ahituta dagoela, ni bezala, aire lurrintzailea erosteko grina nigan biderkatuz (eskaintzaren eskasiak eskaria biderkatzen duela, eta harekin etekina, gauza jakina da kapitalismoan). Ez zitzaidan gaizki etorriko lan egiteko gogoa berotuko zidan esentzia aromatikoren bat. Basoaren erdian edo Arabia betean egotearen irudipen usainduna eskaintzen duten lurrinak baldin badaude, exotismo, natura eta luxuarekiko lotura iradokiz, zergatik ezin digu luxu bihurtzeko bidean dagoen lanaren ebokazioa ekarri perfume batek? Tira, lan ordainduarena. Esklabotzarako eta prekariotasunerako gainbehera honetan, lanaren plusbalioaren banaketa bidezkorik gabe, lurrintzaile batek bultza gaitzake lanera, aski prezio lehiakorrean, gainera, merke-merkea. Ez esan pagotxa ez denik.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Araban, Bizkaian eta Gipuzkoan Lanbide arduratuko da errenta berria banatzeaz. ©JUAN CARLOS RUIZ / FOKU

Iritsi da bizitzeko gutxieneko diru sarrera, muturreko pobrezia murrizteko

Irune Lasa

Espainiako Gobernuak diru saria onartu du, eta ekainean bertan hasiko da ordaintzen. Hegoaldean, Eusko Jaurlaritzak eta Nafarroako Gobernuak kudeatuko dute

Donostiako Zurriola hondartza, atzo. ©Gorka Rubio / FOKU.

Murgak dio ezin direla errepikatu hondartzetan ikusi diren irudiak

Maddi Ane Txoperena Iribarren

Jendea ez pilatzeko eta hondartzak modu «dinamikoan» erabiltzeko eskatu du Eusko Jaurlaritzako Osasun sailburuak. Era berean, galdegin du aisialdirako bada ez erabiltzea garraio publikoa «jende asko dagoenean».

Haur bat, jolas parke baten ondoan, Zarautzen. / ©Gorka Rubio, Foku

Espainiako Gobernuak eguneko udalekuak baimenduko ditu hirugarren fasean

Jon Ordoñez Garmendia

70 urtetik gorakoentzako ordutegiak desagertu egingo dira. Gehienez hogei pertsona elkartu ahal izango dira, baina ezingo da probintziatik atera oraindik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna