JIRA

Ordu txikietan

Angel Erro -

2019ko irailak 17
Hasieratik gogokoa izan duzun neskak edo mutilak azkenean kasu egiten dizunean bezala sentituko da orain Pedro Sanchez, Albert Riverak abstentzioa eskaini dionean. Zer esanik ez, begien kliska musika gelditzear eta diskotekako argi itsugarriak piztear heldu denean. Gau osoan zehar belarrira kalakan aritu zaion baldar konkortua gainetik kentzeko aukera paregabea. Azkenean harekin konformatu beharko lukeela ez zen, ba, sinestera iritsi? Ene, gero esanen dute itxarotea ez duela merezi! Pazientzia eta sarea, usoa da zurea. Eta komedia erromantiko guztietan ongi erakutsi bezala, hasieran ezaxolatiaren itxurak egiteak ez du inoiz hutsik egiten. Leon Tolstoik ere esan zuen: «Ez dago bihotz benetan handi bat itxi dezakeen eskergabekeriarik ez neka dezakeen ezaxolarik». Hala gertatu da, gertatzen ari da, Albert Riverarekin. Ez du, dena den, honek bere lorea musu-truk eskainiko: Nafarroa-truk baizik. Hala eman du aditzera. Saltzen omen ez den Nafarroa gaixoa, beti txerpolarien ahotan.

Diskoteka itxi baino lehenagoko uneak nahasiak izaten dira beti. Oherako eskaintza dirudiena gaua after batean luzatzeko erronka estupefazientea izan daiteke. Agian Riverak A-10 izenekora ongi kokatuta iristea besterik ez du nahi.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna