Albistea entzun

JIRA

Luxuzkoa

Angel Erro -

2021eko irailak 18

Amari bidali dio labean prestatu dituen piper beteen argazkia. Begira zer erantzun didan, esan dit nire mutilak. Txalo eske joan eta errieta jaso du. Amaginarrebak ez du argazkian piper beterik ikusi, horiek egitean labeak kontsumitu duen argindarra baizik. Irri egin dio semeak. Nik andrearen kezka ulertuta ere, eta bere semea baino xuhurragoa naizela jakinda ere, gehiegikeria iritzi diot kezkari. Labea piztu beharko dugu tarteka ere.

Gertuko beste emakume bat, familiako adiskidea, hurrengo egunean mintzatu zait antzeko ardurarekin. Ez du dagoeneko xurgagailuaz garbitzen zorua, erratza pasatu baino ez, eta gero lanbasa, noski. Penaz esan du, ez liberazio sentipenaz. Oraingoan ez naiz ausartu irri egitera, gehiegizko kezka duela erantzutera, tarteka bada ere xurgagailua piztu beharko dugula esatera.

Argindarraren prezioaren norabidea zein den ere, gobernuak energiaren gaineko zergak murriztuta ere, alderdiek elektrizitate enpresa publikoa bultzatu arren, jende askok (emakume askok batez ere) agur egin diote dagoeneko zenbait erraztasun domestikori, fakturaren beldur. Errudun sentituko dira, edo beren buruari kapritxoa ematen ari zaizkiola, eguneroko gauza arruntenak egindakoan. Luxuzkoa bihurtu zaie beharrezkoa ere.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...