Albistea entzun

JIRA

Poe eta poeta

Angel Erro -

2022ko ekainak 29

Prentsako kritikei azken paragrafotik ekiten diet, funtsezko zerbait esatekotan bertan aurkituko dudalakoan. Asteburuan, berriz, salbuespena egin eta Nagore Fernandezenean aurkitu dut denboran atzera eginarazi didan esaldia. «Edgar Allan Poek esango lukeenez, eserialdi bakar batean irakurtzeko obra da». Esanen nuke unibertsitate garaian behin baino gehiagotan entzun niola irakasle bati, Poeri egotziz ezin utzizko liburuen (edo lan laburren?) gailentasun eta defentsa.

Poek, baina, bazituen erregistro ez hain zerutiarrak ere. Kasualitatez honek harrapatu nau Poek William Ellery Channing-en lehen poema liburuari egindako iruzkina leitu berritan: «Alde du inork ez duela haren berririk. Berak poema deitzen dituen 63 gauzek osatzen dute liburua, eta berak hala direla uste izanen du seriotan. Akats klase guztiez beteta daude; haietako nagusia, hain zuzen, argitara eman izana da. Ez daude ingeles deitzen dugun horretan idatzita, akaso channingeraz».

Nathaniel Hawthorneren egunerokoen edizio bateko oinohar batean aurkitu ditut Poeren adierazpen ankerrok. Nik haiek nahiago Hawthorne lagunaren jarrera baino, haren isilean bereak eta asto beltzarenak idatzi baitzituen Channingen poesiaz, inoiz jakinen ez zelakoan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...