Albistea entzun

JIRA

Bakea

Angel Erro -

2022ko irailak 22

Atzo Bakearen Nazioarteko Eguna izan zen. Izan omen zen. Nik ez nuen deus nabaritu. Barne bakea, beharbada. Eta kafe bat ere hartu nuen, baina markarik gabea, nik neuk ehotua. Plazer txiki horietakoa. Egunari aurre egiten hasteko.

Egunari aurre egiten hasi beharrak berak ez du gauza handirik esaten bakearen egunaz. Eta egiazki bakoitzak jakinen du zeri egin behar zion berak aurre atzokoan. Mundua, edo Mendebaldea, bueno, NATOpeko herrialdeak... Tira, uste dut mundua ongi esana zegoela; beraz: mundua Ukrainako gerra larriagotzearen iragarpenarekin esnatu da. Kaferik hartu baino lehen. Errusiako erreserbista askori ere kontrako eztarritik joanen zitzaien gosaria, bakea erdiesteko gerra behar delako topikoan zuzenean parte hartzera dei dezaketela jakitean. Berez, topiko horretan denok bizi gara. Normalizatu dugu nolabait. Gurean (hemen ere munduan esan daiteke berriro) gerrari bake deitzen zaio. Horregatik behar dira, suposatzen dut, atzokoa bezalako bakearen nazioarteko egunak. Umeek eskolan idazlanak egin ditzaten, eta egunkarietan hau bezalako testuak, asmo onekoak eta pixka bat nahasiak. Alferrikakoak. Ni dagoeneko ez naiz ausartzen bakerik eskatzen inori. Eguneko bigarren kafea hartu arte behintzat.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...