JIRA

Samuel euskaraz

Angel Erro -

2020ko irailak 18

Ez da euskaldun asko izanen zertaz ari naizen asmatuko ez duenik, ez dakienik Samuel L. Jackson aktoreak «Zoaz popatik hartzera» esanez grabatu duela bere burua. Agian baten bati eskapatuko zaio zergatik edo beste 14 hizkuntzetan gauza bera egin duela: fuck you ingelesezkoaren ordaina eman. Gauza asko esan daiteke. Adibidez, esapidea euskarara itzuli dionak bazuela «izorra hadi» literalagoa aukeratzea. Edo hizpide hartu genezake halakoak gertatzen direnean euskaldunok izaten dugun erantzun gehiegizkoa ere. Egon da Jacksoni eskerrak eman dizkionik edo Zinemaldiko Donostia sarirako proposatu duenik ere. Hiru hitz gordin horiek euskaldun askorengan eragin duten zirrarak zerbait adierazten dute argiro, ez baitut uste estatubatuarraren bideoko gainerako hizkuntzetako hiztunek hain gogo beroz jasoko zituzten aipamen laburra edo notizia bihurtuko zutenik. Lagun batek dio euskaldunok dugun kariño falta salatzen duela honek, aitortza edo goraipamena (are euskararen salbabidearen arrastoa) ikusi nahi dugulako seguruenik kasualitatea edo bitxitasun nahia dagoen tokian. Hizkuntza zapaldu eta gutxitu batek bere patua aldaraziko badu, ikasi beharko genuke halakoa ez balitz bezala jokatzen munduaren aurrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.