Albistea entzun

JIRA

Iritzia

Angel Erro -

2021eko ekainak 11

Norenak izaten dira etengabe emititzen ibiltzen garen iritziak? Errepikagailuak gara gehien-gehienok edo gehien-gehienetan. Uste dut inon irakurri dudala, Albert Einsteinek esanda, bakanak direla bizialdi osoan ideia original bat edo gehienez bi izaten dituztenak. Iritzia izeneko sail batean idazten dugunok onartu beharreko errealitate etsigarria da. Zer eginen zaio. Gehienetan ez gara ohartzen, baina hobe dugu guztiz ez ahanztea. Beste norbaitengan errazagoa da identifikatzea.

Atzo, aitari aditu nion berea ematen ez zuen iritzia. Aski ezagutzen dut jabetzeko noiz ari den kalean entzundako zerbait errepikatzen. Iritzi arinki islamofoboa zen. Kontra egin diot, jakina, seguruenik beste noizbait erabilita entzundako edo irakurritako argudioekin. Uste dut konbentzitu dudala eta espero dut Manolo bere lagunari (sinetsita nago bereak zirela iruzkin arrazista xamar horiek) errepikatuko diola solasgaia berriz ateratzen badio.

Kasuaren bakantasunak begietaratu dit nola funtzionatzen duen iritziaren merkatuak. Hobe dugu guztiz ez ahanztea. Gure iritziak tarteka auzitan jarrita, esaterako. Saltzen dizkiguten pack ideologiko osoak, hain aplikatzen errazak, tarteka deskonektatu, zorabioak hartzen gaituen arte behintzat.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna