Albistea entzun

JIRA

Topaketa

Angel Erro -

2022ko azaroak 25

Hiri handietan, metropolietan, normala da, edo halakotzat jotzen da, ezagunekin kalean ez topatzeko aukera, zure auzotik kanpo bizi diren ezagunekin. Hala gertatzea, behintzat, ulergarria da. Ni gehiago harritzen nau Euskal Herrian ditugun tamainako hiri ertainetan edo herri handietan gauza bera gertatzeak. Badira Iruñerrian bizitzeari utzi ez dioten Unibertsitateko ikaskide ohiak, propio gelditu ezean, inoiz ikusten ez ditudanak, izen bereko hiri paraleloetan biziko bagina bezala. Horren ifrentzuz, badira behin eta berriz topatzen dudan jendea.

Adibide zehatzak ditut buruan. Ezustez, erreparatu gabeko beste adibide batekin topatu naiz gaur Alde Zaharrean. Aitarekin. Bera ere oso gutxitan topatzen dut, Burlatatik edo are etxetik kanpo (logikoa izan liteke, elkarren ordutegi eta ibilbideak dakizkigulako). Zer egin ez dakidala gelditu naiz. Hortik hiru ordura dugu bazkaltzeko hitzordua, harenean. Bere adineko emakume batekin dago. Hurbiltzera egin dudanean, atari batera sartu direla ikusi dut. Eskerrak ez nauen ikusi, pentsatu dut, lotsak hartuta.

Lotsa norabidez aldatu da, txirrinen kutxan leitu dut lehen solairuan dagoela mendizale jubilatuen elkartea. Betiko estrainioak izatera bueltatzea aringarria da.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Gaiak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.