Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

JIRA

Pribilegioak

Angel Erro -

2021eko azaroak 26

Pribilegioak erabili egiten dira. Kito. Haien jabe direnek erabili egiten dituzte. Ohartu gabe askotan. Baina hori beste kontu bat da. Berez, esan bezala, pribilegioak pribilegiodunek erabiltzeko daude. Ez dute beste xederik.

Hitzok aplikagarri izan daitezkeen egoera asko irudika dezakegu eta guztietan asmatuko genuke. Nik gaur buruan dudana oso kasu zehatz bat da. Jose Maria Aznarren gobernuak Eliza katolikoari ondasun higiezinak jabetzaren erregistroan bere izenera eta bestelako frogabiderik gabe immatrikulatzeko eskubidea eman zion, notarioak bezalako fede-emaile publikoen maila emanez. 1998tik hona erruz erabili du Elizak legeak emandako pribilegio hori. Ez dira geldirik egon. Askok bidegabekeria eta gehiegikeria salatu arren. Egunotan jakitera eman da Nafarroan ia hiru mila direla Eliza katolikoak bere izenean jarritako ondasunak. Arpilatze onartua. Negozio biribila. Apezpikuak, esaterako, Iruñeko aterpeaz jabetzeko 25 euro ordaindu zituen, eta gero udalari saldu dio milioi bat euroren truke.

Zerrenda irakurtzea beldurgarria da (pribilegio teoriko bat gauzatuta ikustearen ikara!): pinudiak, larrek, lursailak, soroak, eraikin piloa ere, jakina. Guztira lau miloi metro karratu baino gehiago. Merke-zurrean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.